کۆمسیۆنا هەلبژارتنان بۆ گاڤ: ئەم نەشێین ل 10ی خزەیرانێ هەلبژارتنان برێڤەببەین
بەلاڤ بکە
گاڤ – تایبه‌ت
كۆمسیۆنا هه‌لبژارتنێن ئیراقێ داخوازێ ژ سەرۆک نێچیرڤان بارزانی دکەت ژڤانەکێ نوی بۆ هەلبژارتنێن په‌ڕله‌مانێ كوردستانێ دیار بکەت.
جومانه گلایى، په‌یڤدارا كۆمسیۆنا هه‌لبژارتنێن ئیراقێ بۆ گاڤ گۆت: كۆمسیۆنا هه‌لبژارتنان نەشێت ل 10ى خزەیرانا ئەڤ سالە هەلبژارتنێن پەڕلەمانێ کوردستانێ برێڤەببەت، لەو ئەو نوکە ل گه‌ل سه‌رۆكایه‌تییا هه‌رێمێ د دانوستاندنان دانه داکو نێچیرڤان بارزانى، سه‌رۆكێ هه‌رێم كوردستانێ ژڤانەکێ نوى بۆ هه‌لبژارتنان دیار بكه‌ت.
سه‌رۆك نێیرڤان بارزانى، سه‌رۆكێ هه‌رێما كوردستانێ 10-6 وه‌ك ژڤان بۆ هه‌لبژارتنێن په‌ڕله‌مانێ كوردستانێ دانابوو، گه‌له‌ك ئالیێن سیاسى یێن هه‌رێمێ و پێكهاتان خۆ تۆمار نه‌كر ژبه‌ر ده‌ستكاریكرن د كوڕسیێن په‌ڕله‌مانى و كێمكرنا كورسیێن پێكهاتان.
به‌رى چه‌ند رۆژان جڤاتا دادوه‌رى ژ وان سه‌د كوڕسیێن په‌ڕله‌مانێ كوردستانێ پێنج كوڕسى بۆ كۆتایان ته‌رخانكرن، دو كوڕسى بۆ كرستان و توركمانان ل هه‌ر ئێك ژ پارێزگه‌هێن هه‌ولێر و سلێمانیێ و كوڕسییه‌ك ژى بۆ كرستیانان ل پارێزگه‌ها دهۆكێ.
