گاڤ
سه‌رۆكێ حكومه‌تا هه‌رێما كوردستانێ مه‌سروور بارزانى د په‌یامه‌كێ دا ب هه‌لكه‌فتا جه‌ژنا قوربانێ راگه‌هاند، ئه‌و هیڤیداره‌ ئه‌ڤ جه‌ژنه‌ ببیته‌ ئه‌گه‌را باشتربوونا ره‌وشا دارایی یا وه‌لاتیێن هه‌رێما كوردستانێ.
سه‌رۆكێ حكومه‌تا هه‌رێما كوردستانێ د په‌یاما خۆیا پیرۆزباهییێ دا پیرۆزباهى ل هه‌مى موسلمانێن هه‌رێما كوردستانێ و ئیراقێ و جیهانێ كرن، پیرۆزباهیێن تایبه‌ت ئاراسته‌ى پێشمه‌رگه‌یێ كوردستانێ و هێزێن ئاسایشا ناڤخۆ و كه‌سوكار و مالباتێن شه‌هید و ئه‌نفالكرییان كرن.
سه‌رۆكوه‌زیران مه‌سروور بارزانى نڤیسى یه‌ ژى، هیڤیدارم رۆژێن جه‌ژن و بێهنڤه‌دانان، د سه‌قایه‌كێ شاد و ئارام و ب سلامه‌ت دا برێڤه‌ بچن.
د په‌یاما سه‌رۆكوه‌زیر مه‌سروور بارزانى دا هاتییه‌ ژى، ئه‌و هیڤیداره‌ جه‌ژن ببیته‌ ئه‌گه‌رێ شادى و خۆشگوزه‌رانى و باشتربوونا ره‌وشا دارایی و ژیارا خه‌لكى و سه‌قامگیربوونا ئاشتى و ئارامیێ ل جیهانێ و گه‌شه‌سه‌ندنا پتر یا ته‌ڤایی و كه‌لتورێ پێكڤه‌ژیانا ئاشتیانه‌ یا ناڤبه‌را پێكهاته‌یێن جودا یێن هه‌رێما كوردستانێ دا.