بەرپرسێ هۆبا ساخلەمییا گشتی ل رێڤەبەرییا ڤێتێرنەرییا دهۆکێ بۆ گاڤ گۆت: ئەو پێشبینی دکەن ئەڤ سالە ب هەڤبەرکرن ل گەل سالێن بۆری رێژەیا دانا قوربانان کێم ببیت، ژبەر کو بهایێ تەرشوکەوالی گران بوویە.
عیماد مستەفا، بەرپرسێ هۆبا ساخلەمییا گشتی دەربارەی رێنمایێن سەرژێکرنێ و دویڤچوونێن حکومی ژى دبێژیت: بتنێ پێنج سەربڕخانەیێن فەرمی ل پارێزگەها دهۆکێ و ئیدارەیا سەربەخۆ یا زاخۆ هەنە، سەربڕخانە ل دهۆک، زاخۆ، ئاکرێ، بەردەرەش و قەدشێ نە و دێ بەردەوام دویڤچوونا وان سەربڕخانەیان هێتە کرن داکو رێنمایان ب دروستی بجهـ بینن.
دەربارەی مەیدانێن فرۆشتنا تەرشوکەوالی، بەرپرسێ هۆبا ساخلەمییا گشتی ل رێڤەبەرییا ڤێتێرنەرییا دهۆکێ دبێژیت: نابیت تەرشوکەوالێ نەساخلەم یان ژ دەرڤەی رێنمایان بهێتە فرۆشتن و هەر دەما ئەو کار هاتە کرن، ئەو دێ خودانێ مەیدانا فرۆشتنێ دەنە دادگەهێ.