گاڤ
د گەرا ئێکێ یا هەلبژارتنێن سەرۆککۆمارێ ئیرانێ دا مەسعوود پزیشکیان، بەربرژێرێ ریفۆرمخوازان 10 ملیۆن و 415 هزار و 991 دەنگ بدەستڤەئیناینە، سەعید جەلیلی، سکرێرێ جڤاتا ئاسایشا نشتیمانی ژی 9 ملیۆن و 473 هزار و 298 دەنگ بدەستڤەئیناینە، محەمەد باقر قالیباف، سەرۆکێ پەرلەمانێ ئیرانێ ژی 3 ملیۆن و 383 هزار و 340 دەنگی بدەستڤەئیناینە، هەروەسا مستەفا پۆرمحەمەدی، وەزیرێ داد و ناڤخۆ یێ بەرێ ژی 206 هزار و 397 دەنگ بدەستڤەئیناینە.
ل گۆرەی دەستەیا هەلبژارتنان، ل پارێزگەها ئیلام ٪47 یا خەلکی پشکداری هەلبژارتنان بووینە و بلندترین رێژەیا پشکدارییێ یە ل رۆژەهەلاتێ کوردستانێ، پارێزگەها ورمێ ٪40.1، پارێزگەها لۆرستان ٪35، پارێزگەها کرماشان ٪32.8 و سنە ٪23.