گاڤ 
ئەڤرۆ سپێدێ گەڕا ئێکێ یا هەلبژارتنێن پەرلەمانێ فرەنسا دەستپێ دکەت و نێزیکی 50 ملیۆن فرەنسییان مافێ دەنگدانێ هەیە.
ئەڤرۆ سپێدێ ل فرەنسا گەڕا ئێکێ یا هەلبژارتنێن پەرلەمانی دەستپێ دکەت، ل فرەنسا پارتییا بەرەیێ نشتیمانی یا راسترەوا توند ب سەرۆکاتییا مارێن لۆپان و جۆردان باردێلا یێ 28 سالی، هەڤڕکییا پارتییا دەستهەلاتدار یا ئیمانوێل ماکرۆن سەرۆکێ نوکە یێ فرەنسا دکەت.
مارێن لۆپان شیا د هەلبژارتنێن پەرلەمانێ ئەورۆپا دا سەرکەفتنێ ل سەر پارتییا ماکرۆنی تۆمار بکەت، لەورا ماکرۆنی داخوازا هەلبژارتنێن پێشوەخت کر و دهێتە پێشبینیکرن د ڤان هەلبژارتنان دا بۆ ئێکەم جار پشتی جەنگێ جیهانی یێ دویێ ل فرەنسا پارتییەکا راسترەو یا توند بشێت دەستهەلاتێ وەربگریت.
گەڕا ئێکێ یا هەلبژارتنێن پەرلەمانێ فرەنسا ئەڤرۆ دهێتە کرن، گەڕا دویێ ل 7ی تیرمەهێ دێ هێتە کرن و هەڤڕکی بۆ پڕکرنا 577 کورسییێن پەرلەمانی یە و هەموو پێشبینی بەر ب وێ یەکێ نە پارتییا بەرەیێ نشتیمانی سەربکەڤیت و لۆپان بشێت جۆردان باردێلایێ 28 سالی بکەتە سەرکوەزیر.