ئيراقێ 8 بڕيار ل دژى توركیا دان
گاڤ نيوز
جڤاتا وهزارى بۆ ئێمناهيا نيشتيمانى يا ئيراقى ئهڤرۆ رۆژا چارشهمبيێ ب سهرپهرشتيا موستهفا كازى سهركردهيێ گشتى يێ هێزێن چهكدار كۆمبوونهك ل دۆر هێرشا ئهڤرۆ يا توركيا ل پهرهخێ گرێدا و ژمارهيهكا بڕياران دان و داخواز ژ توركيا كر كو ب فهرمى لێبۆرينێ بخوازيت.
د بهيانهكا ئۆفيسا موستهفا كازمى سهرۆكوهزيرێ ئيراقێ دا هاتيه؛ د كۆمبوونێ دا هێرشا توركيا ب توندى هاته شهرمزار كرن و بڕيار هاته دان كو دوسيهكا گشتگير ل دۆر دهستدرێژيێن توركيا ل ئيراقێ بهێته بهرههڤكرن و سكالايهك ئاراستهى جڤاتا ئاسايشێ يا نێڤدهولهتى بهێته كرن.
د بهيانێ دا هاتيه ژى؛ بڕيار هاته دان كو باليۆزێ توركيا ل ئيراقێ ژ لايێ وهزارهتا دهرڤه يا ئيراقێ ڤه بهێته گازيكرن و نامهيا ئيدانهكرنێ بدهنێ ههروهسا كاربرێكهرێ كاروبارێن ئيراقێ ل ئهنقهره بۆ گهنگهشهيێ بهێته گازيكرن و رێكارێن ڤرێكرنا باليۆزهكێ نوى بۆ توركيا بهێنه راوهستاندن.
د كۆمبوونێ دا بڕيار هاته دان ژى كو سهركردايهتيا ئوپهراسيۆنێن ههڤپشك رێكارێن بهرگريێ دهستپێبكهت، ههروهسا حكومهت دويڤچوونا رهوشا بريندارێن هێرشێ و قهرهبوويا شههيدان بكهت و ههماههنگى ل گهل حكومهتا ههرێما كوردستانێ بۆ راوهستاندنا ڤان هێرشان بهێته كرن.
د كۆمبوونێ دا ئيراقێ داخواز ژ توركيا كر كو ب فهرمى لێبۆرينێ بخوازيت و هێزێن خۆ ژ ههمى ئاخا ئيراقێ ڤهكێشيت ههروهسا جڤاتێ نهرازيبوونا خۆ ل دۆر وێ چهندێ ژى دياركر كو ئيراق ببيته مهيدانا ئێكلاكرنا كێشهيان و ب توندى نهرازيبوونا خۆ ل سهر ههبوونا ههر رێكخراوهكا تيرۆرستى يان گرۆپهكێ چهكدار ل سهر ئاخا ئيراقێ دياركر.
د هێرشهكێ دا بۆ سهر جههكێ گهشتيارى ل گوندێ پهرهخێ ل سنوورێ زاخۆ ب دههان وهلاتيێن مهدهنى گيانێ خۆ ژدهستدان و بريندار بوون و ژمارهيهكا پارت و لايهنێن سياسى ل ههرێما كوردستانێ و سهرانسهرى ئيراقێ ئهڤ هێرشه شهرمزار كرن و داخوازا گرتنهبهرا رێكاران ل دژى توركيا كرينه.