نه‌سر: تا نوكه رێككه‌فتن ل سه‌ر پێكئينانا هه‌ڤپه‌يمانيا برێڤه‌برنا ده‌وله‌تێ نه‌هاتيه‌كرن
بەلاڤ بکە
گاڤ نيوز
هه‌ڤپه‌يمانيا نه‌سر ب سه‌ركردايه‌تيا حه‌يده‌ر عه‌بادى ئه‌ڤرۆ دوشه‌مبيێ راگه‌هاند كو تا نوكه چ رێككه‌فتنێن فه‌رمى ل سه‌ر پێكئينانا هه‌ڤپه‌يمانيا برێڤه‌برنا ده‌وله‌تێ نه‌هاتينه‌كرن.
عه‌قيل ردێنى، په‌يڤدارێ هه‌ڤپه‌يمانيا نه‌سر راگه‌هاند؛ زانياريێن ل دۆر گرێدانا رێككه‌فتنه‌كێ د ناڤبه‌را لايه‌نێن سياسى دا ل دۆر پێكئينانا هه‌ڤپه‌يمانيا برێڤه‌برنا ده‌وله‌تێ د راست نينن و تا نوكه چ رێككه‌فتنێن فه‌رمى ل سه‌ر ڤى بابه‌تى نه‌هاتينه‌كرن.
ناڤهاتى ديار ژى كر؛ ئه‌وا تا نوكه هه‌ى ب تنێ گۆتوبێژن د ناڤبه‌را لايه‌نێن سياسى دا ل سه‌ر پێكئينانا ڤێ هه‌ڤپه‌يمانيێ و بيروبۆچوون ل دۆر ئارمانجێن وێ هاتينه لێكگوهارتن، لێ تا نوكه ب فه‌رمى لايه‌نان ئيمزا ل سه‌ر رێككه‌فتنێ نه‌كرينه و ب فه‌رمى هه‌ڤپه‌يمانى نه‌هاتيه دامه‌زراندن.
مشعان جبوورى، په‌رله‌مانتارێ به‌رێ د تويته‌كێ دا دوهى ئێكشه‌مبيێ دياركربوو كو دێ هه‌ڤپه‌يمانيا برێڤه‌برنا ده‌وله‌تێ هێته راگه‌هاندن كو ژ هه‌ر ئێك ژ پارتى، ئێكه‌تى، هه‌ڤپه‌يمانيا سه‌روه‌رى، هه‌ڤپه‌يمانيا عه‌زم، بابليۆن و هێزێن چارچووڤه‌يێ هه‌ماهه‌نگيێ پێكدهێت.
