پاسدارێن ئیرانێ راگەهاندنەک دەربارەی هێرشا ئەڤرۆ بەلاڤ کر
09/28/2022 - 14:00
گاڤ نیوز
بنگەهی حەمزە یێ سەر ب هێزێن هشکاتی یێن سوپایێ پاسدارێن ئیرانێ ڤە ئەڤرۆ راگەهاندنەک لدۆر بۆمبەبارانکرنا بنگەهێن حزبێن رۆژهەلاتێ کوردستانێ بەلاڤ کر.
د راگەهاندنا سوپایێ پاسداران دا هاتیە، د هێرشا ئەڤرۆ دا مۆشەک و فرۆکەیێن بێفرۆکەڤان یێن بۆمبرێژکری هاتینە بکارئینان.
هەروەسا راگەهاندیە، ژبەر بزاڤێن وان حزبان یێن دروستکرنا ئالۆزیێ، ئۆپەراسیۆنا پاسداران دەستپێکریە و دێ یا بەردەوام بیت.
پاسداران د راگەهاندنا خۆ دا پەیامەک ژی بۆ بەرپرسێن هەرێما کوردستانێ هنارتیە و تێدا هاتیە، تاکو بەرپرسێن هەرێمێ گاڤێن کاریگەر بۆ نەهێلانا گەفێن ڤان ئالیان و بجهئینانا پابەندیا بەرپرساتیێ نەهاڤێژن، هێرشێن وان دێ بەردەوام بن.