سودانى پهسنا قۆربانيدانێن پێشمهرگهى د شهڕێ دژى داعش دا دكهت
11/14/2022 - 18:38
گاڤ نيوز
سهرۆكوهزيرێ ئيراقێ پهسنا قارهمانى و قۆربانيدانێن هێزێن پێشمهرگهى د شهڕێ دژى داعش دا كر.
محهمهد شياع سودانى ئهڤرۆ دوشهمبيێ پێشوازى ل ژمارهيهكا فهرمانده و ئهفسهرێن هێزێن پێشمهرگهى ب بهرههڤبوونا فهريق روكن عيسا عزێر سهرۆكێ ئهركانێن هێزێن پێشمهرگهى كر.
د بهيانهكا ئۆفيسا راگههاندنێ يا محهمهد شياع سودانى دا هاتيه؛ ئهفسهرێن هێزێن پێشمهرگهى د ديدارهكێ دا پيرۆزباهى ل سودانى ژ بهر دهستبكاربوونا وى وهك سهرۆكوهزيرێ ئيراقێ كرن.
تێدا هاتيه ژى؛ سودانى پهسنا قارهمانى و قۆربانيدانێن هێزێن پێشمهرگهى د شهڕێ دژى دا كر.
سهرۆكوهزيرێ ئيراقێ تهكهز ژى كر؛ چارهنڤيسێ ئيراقێ ئێكه و گهلهك ئالنگارى ل ههمبهر ئيراقێ ههنه و پێدڤيه ب ئێكرێزى ل بهرسينگێ وان براوهستين.