گاڤ

سەرۆکێ دەستەیا وەبەرهێنانێ ل هەرێما کوردستانێ راگەهاند: پرۆژەیێن کەرتێ چاندنێ ب کۆژمێ ملیار دۆلاران هاتینە بجهئینان و رێژەیا وەبەرهێنانێ د وی کەرتی دا ب رێژەیا ٪100 زێدە بوویە.

د. محەمەد شوکری، سەرۆکێ دەستەیا وەبەرهێنانێ ل هەرێما کوردستانێ بۆ مالپەرێ پارتی گۆت: د سەردەمێ کابینەیێن بەری نوکە یێن حکومەتا هەرێما کوردستانێ دا و ژ سالا 2006ێ تاکو هەیڤا تەباخا ئەڤسالە، 37 پرۆژەیێن وەبەرهێنانێ د کەرتێ چاندنێ دا ب کۆژمێ ملیار دۆلاران ل هەرێما کوردستانێ هاتینە بجهئینان.

هەروەسا دیار کر: کابینەیا نەهێ یا حکومەتا هەرێما کوردستانێ موولەتێن پرۆژەیێن وەبەرهێنانێ د کەرتێ چاندنێ دا داینە 12 وەبەرهێنەران و رێژەیا وەبەرهێنانێ د کەرتێ چاندنێ دا ٪100 زێدە بوویە.