ئه‌مریكا: په‌یوه‌ندیێن ئیرانێ و رۆسیا گه‌هشتینه قوناغا هه‌ڤپكشیا سه‌ربازى
بەلاڤ بکە
گاڤ
په‌یڤدارێ جڤاتا ئاسایشا نیشتیمانى یا ئه‌مریكا راگه‌هاند، په‌یوه‌ندیێن ئیرانێ و رۆسیا گه‌هشتینه ئاستێ هه‌ڤپشكیا به‌رگریا تمام و هه‌ردو وه‌لات یێ كار دكه‌ن فرۆكه‌یێن بێفرۆكه‌ڤان یێن شه‌ڕى دورست بكه‌ن.
جۆن كێربى په‌یڤدارێ جڤاتا ئاسایشا نیشتیمانى یا ئه‌مریكا راگه‌هاند، پشته‌ڤانی و هاریكاریێن سه‌ربازى یێن رۆسیا بۆ ئیرانێ گه‌هشتینه ئاسته‌كێ بێ وێنه و ل گۆره‌ى راپۆرتێن گه‌هشتینه ئه‌مریكا، نها رۆسیا و ئیران بزاڤێ دكه‌ن فرۆكه‌یێن بێفرۆكه‌ڤان یێن شه‌ڕى دورست بكه‌ن.
جۆن كێربى دا زانین، نها رۆسیا بۆ به‌رهه‌مئینانا چه‌كى و مه‌شق و راهێنانان، هاریكاریێ دگه‌ل ئیرانێ دكه‌ت، گۆت ژى، مه‌به‌ستا رۆسیا ئه‌وه پشكه‌كا كه‌ره‌ستێن سه‌ربازى یێن پێشكه‌فتى بۆ ئیرانێ دابین بكه‌ت ژ وان ژى هه‌لیكۆپته‌ر و سیسته‌مێ به‌رگریا ئاسمانى و ئه‌مریكا ژ ڤێ ئێكێ دلگرانه.
