د یاریا ئهڤشهڤه یا فرهنسا و مهغرب دا كى دێ بهت؟
گاڤ
ل دۆر یاریا ئهڤشه دناڤبهرا ههلبژارتیێ فرهنسا و مهغربێ دا پیگههێ (theanalyst) و پێگههێ (google) ئاخفتنێن خۆ كرن و دیاركرن فرهنسا دێ سهركهڤیت.
ئهڤشهڤه ههلبژارتیێ فرهنسا دێ روى ب روى ههڤبهرا خۆ مهغربێ بیت د یاریا نیڤا دویماهێ دا ژ موندیالا 2022ێ و ههر دو تیم دێ بزاڤێ كهن كارتا سهركهفتنێ بدهستڤه بینن و بگههنه یاریا دویماهێ همبهر ئهرجهنتینێ.
شڤێدى د یاریا ئێكێ ژ چارگوشهیا زێڕین دا كاپتنێ ههلبژارتنیێ ئهرجهنتینێ لیۆنێل مێسى شییا تیما وهلاتێ خۆ دهربازى یاریا دویماهیا موندیالا 2022ێ بكهت و همبهر ههلبژارتیێ كورواتیا (3 - 0) سهربكهڤیت.
د یاریا ئهڤشهڤه دا ژ چارگۆشهیا زێڕین، ههلبژارتیێن فرهنسا دێ بزاڤێ كهت بگههته یاریا دویماهیێ و ناسناڤهكێ دى بدهستڤه بینیت، ژلایێ خۆڤه ههلبژارتیێ مهغربێ كو تا نها سهركهفتنهكا دیرۆكى ب گههشتنا خۆ بۆ نیڤا دویماهیێ ژ موندیالێ تۆمار كرى یه، ئهركێ وێ ب سانههى نابیت همبهر فرهنسا، لێ دێ ههمى شیانێن خۆ مهزێخیت بگههیته یاریا دویماهیێ و جیهانێ مهندههۆش بكهت.
پێگههێن جیهانى یێن تایبهت ب شرۆڤهكرن و لێكۆلینێن موندیالێ وهكى یاریێن بۆرى گۆتنا خۆ ل دۆر یاریا ئهڤشهڤه ههیه. پێگههێ (theanalyst) یێ تایبهت ب ئامارێن تهپا پێی ڤه پیشبینى دكهت رێژهیا سهركهفتنا فرهنسا همبهر مهغربێ 64.3% بیت و رێژهیا سهركهفتنا مهغربێ 13% دانایه. پێشبینیێن پێگههێ (google) ژ گهلهك جودا نینن و 62% سهركهفتن دایه فرهنسا و 14% دایه مهغربێ.