گاڤ

رۆژنامەیا تیلیگراف راگەهاند؛ بریتانیا دێ ب فەرمی سوپایێ پاسدارێن ئیرانێ وەک رێکخستنەکا تیرۆرستی ل قەلەم دەت پشتی کو حەفت کەسێن پەیوەندی ل گەل بریتانیا هەی ژ ئەگەرێ خۆنیشاندانان دەستەسەر کرین.

راپۆرتا رۆژنامەیا تیلیگراف دیار کر کو د چەند حەفتیێن بهێت دا بریتانیا دێ ڤێ گاڤێ هاڤێژیت و هەر ئێک ژ تۆم تۆجندهات، وەزیرێ ئێمناهیێ و سویلا براڤەرمان، وەزیرا ناڤخۆ پشتەڤانیێ لێ دکەن.

ل قەلەمدانا سوپایێ پاسدارێن ئیرانێ وەک رێکخستنەکا تیرۆرستی رامانا وێ یەکێ ددەت کو ئەندامبوون تێدا، بەرهەڤبوونا کۆمبوونێن وان و بلندکرنا ئالا و دروشمێن وان ژی تاوانە.

ل حەفتیا بووری پاسدارێن ئیرانێ حەفت کەسێن پەیوەندی ل گەل بریتانیا هەین ژ ئەگەرێ خۆنیشاندانان دەستەسەر کرینە و ڤێ یەکێ حکومەتا بریتانیا تۆرە کریە.