سه‌ربه‌ست له‌زگین: مه‌كته‌بێن سیاسى یێن پارتى و ئێكه‌تیێ دێ كۆمبن
01/08/2023 - 11:47
بەلاڤ بکە
گاڤ
به‌رپرسێ مه‌كته‌با رێكخستنا پارتى ل هه‌ولێرێ راگه‌هاند، ل ده‌مه‌كێ نێزیك مه‌كته‌بێن سیاسى یێن پارتى دیمۆكراتى كوردستان و ئێكه‌تیا نشتیمانى یا كوردستانێ دێ كۆمبن.
سه‌ربه‌ست له‌زگین به‌رپرسێ مه‌كته‌با رێكخستنا پارتى ل هه‌ولێرێ گۆت: ئێكه‌تى وه‌ك پێدڤى پێگیری رێككه‌فتنا پێكئینانا حكومه‌تی نه‌بوویه، حوكمه‌تا هه‌ریما کوردستانێ ب رێككه‌فتنا سیاسى د ناڤبه‌را ئالیان دا هاتیه پێكئینان و بایكۆتكرنا كۆمبوونێن حكومه‌تێ به‌رۆڤاژى رێككه‌فتنا پێكئینانا حكومه‌تێ یه.
هه‌روه‌سا ئاشكرا كر، ل ده‌مه‌كێ نێزیك مه‌كته‌بێن سیاسى یێن پارتى دیمۆكراتى كوردستان و ئێكه‌تیا نشتیمانى یا كوردستانێ دێ كۆمبن و دەربارەی هەرلبژارتنێن پەرلەمانێ کوردستانێ گۆت: نابیت زێده‌تر هه‌لبژارتن بهێنه پاشخستن.
