ههلبژارتيێ ئيراقێ بۆ جارا چارێ د ديرۆكا خۆ دا ناسناڤێ جاما كهنداڤى بدهستڤهئينا
01/19/2023 - 22:41
گاڤ
ههلبژارتيێ ئيراقێ يێ تهپاپێى د فاينالا جاما كهنداڤێ عهرهبى يا 25ێ دا ب 3-2 د نيڤێن زێدهكرى دا سهركهفتن ل سهر عومانێ تۆماركر و بۆ جارا چارێ د ديرۆكا خۆ دا ناسناڤێ جاما كهنداڤى بدهستڤهئينا.
د ياريا ل ياريگهها بهسره يا نێڤدهولهتى ل ئێڤاريا ئهڤرۆ دا هاتيه كرن، ئيراقێ ب گۆلێن ئيبراهيم بايش (خ 24)، ئهمجهد عهتوان (خ 115 ژ پێنالتيێ) و مهناف يوونس (خ 120) سهركهفتن ل سهر عومانێ 3-2 تۆماركر و گۆلێن عومانێ ژى ژ لايێ سهلاح يهحيائى (خ 90 ژ پێنالتيێ) و عومهر مالكى (خ 119) هاتبوونه تۆماركرن.
ههلبژارتيێ ئيراقێ ب بدهستڤهئينانا جاما كهنداڤێ عهرهبى يا 25ێ دا ل بهسره بۆ جارا چارێ د ديرۆكا خۆ دا ناسناڤێ قارهمانيێ بدهستڤهئينا پشتى قارهمانيێن سالێن 1979، 1984 و 1988.