گاڤ دەمێ دەستپێکرنا پرۆژەیێ فرۆکهخانەیا دهۆکێ ئاشکرا دکەت
گاڤ – تایبەت
چەندین سالن خەلکێ پارێزگەها دهۆکێ چاڤەڕێی دەستپێکرنا پرۆژەیێ فرۆکهخانەیا دهۆکێ نە، گاڤ ژڤانێ دەستپێکرنا وی پرۆژهی ئاشکرا دکەت.
گاڤ ژ ژێدەرەکێ تایبەت زانییە: ئەندازیار و تەکنیکارێن باژێڕڤانیا دهۆکێ هاتینە ئاگەهدارکرن کو ئامادەباشیان بۆ دەستپێکرنا پرۆژەیێ چێکرنا فرۆکهخانەیا دهۆکێ بکەن.
زانیاریێن ژێدەری ئاماژێ ددەنە وێ یەکێ کو د ڤان سێ هەیڤان دا ئامادەباشی دێ تەمام بن و ل ئێکی هەیڤا پێنج یا ئەڤسالە دێ دەست ب چێکرنا فرۆکهخانەیا دهۆکێ هێتەکرن.
ل سالا 2013ێ دەست ب دروستکرنا فرۆکخانەیا دهۆکێ هاتبوو کرن و کۆژمێ 130 ملیۆن دۆلاران بۆ هاتبوو تەرخانکرن، لێ ژبەر قەیرانا دارایی پرۆژە هاتبوو راگرتن.
ل 21ى ئیلۆنا سالا 2021ێ، مهسروور بارزانى سهرۆكێ حكومهتێ سهرهدانا جهێ ئاڤاكرنا پرۆژهى كر و گۆت: پشتى دیڤچوون و لێكولینێن حكومهتێ تهمام دبن دێ مزگینیا ئاڤاكرنا فرۆكهخانهیا دهۆكێ راگههینن.