گاڤ

ئيراقێ بۆ ئێكه‌م جار ده‌رمانێن په‌نجه‌شێرێ به‌رهه‌مئينان و ب بهايێ ب رێژه‌يا 60% كێمتر ژ بهايێ ده‌رمانێن هاورده‌كرى دێ ده‌ته‌ وه‌زاره‌تا ساخله‌ميێ.
لوئه‌ى له‌بيب رێڤه‌به‌رێ كارگه‌ها ئيراقى يا ده‌رمانسازيێ ئه‌ڤرۆ شه‌مبيێ راگه‌هاند؛ ده‌رمانێن په‌نجه‌شێرێ بۆ جارا ئێكێ د ديرۆكا ئيراقێ دا ژ لايێ كارگه‌هێ ڤه‌ هاتنه‌ به‌رهه‌مئينان.
ئاشكرا ژى كر؛ كارگه‌هێ گرێبه‌سته‌ك ل گه‌ل وه‌زاره‌تا ساخله‌ميێ بۆ دابينكرنا وان ده‌رمانان ب بهايێ ب رێژه‌يا 60% ژ بهايێ ده‌رمانێن هاورده‌كرى گرێدايه‌.
زێده‌ ژى كر؛ تاقيكرنێن چڕ بۆ ده‌مێ سێ سالان ل سه‌ر وان ده‌رمانان هاتينه‌ كرن و پشتراستى ژ كاريگه‌رى و سلامه‌تيا وان ب رێژه‌يا 100% هه‌يه‌.
ناڤهاتى ئه‌و ئێك ژى نه‌ڤه‌شارت؛ كارگه‌هێ 7 جۆرێن ده‌رمانێن په‌نجه‌شێرێ به‌رهه‌م ئيناينه‌ و پلان بۆ به‌رهه‌مئينانا 9 جۆرێن دى ژى هه‌نه‌.
گۆت ژى "كارگه‌هێ چار جاران پتر ژ پێدڤياتيا وه‌زاره‌تا ساخله‌ميێ ده‌رمان به‌رهه‌م ئيناينه‌ و ده‌ست ب هنارده‌كرنا وان بۆ ده‌رڤه‌ ژى هاتيه‌ كرن".
ديار ژى كر؛ هنده‌ك كارگه‌هێن ئيراقى ده‌رمانان ب كوالێتيه‌كا نه‌يا كێمتر ژ ده‌رمانێن بيانى به‌رهه‌م دئينن.