سهرۆكێ رۆسیا: كورد گهلهك عهقلانینه و رێكهفتن دگهل وان ب سانههیتره ژ ئهمریكیان
سهرۆكێ رۆسیا ڤلادیمیر پۆتین راگههاند، رێكهفتن دگهل كوردان ب سانههیتره ژ رێكهفتنا دگهل ئهمریكیان بۆ وهرگرتنا زارۆیێن رۆسى یێن د كهمپێن خێزانێن داعشیان دا ل سووریێ.
ل گۆرهى ئاژانسا ئیتهر تاس یا رۆسى ئهڤرۆ (ماریا لڤۆڤا بیلۆڤا) چاڤدێرا پرۆسهیا ڤهگهڕاندنا زارۆیێن رۆسى ب ڤلادیمیر پۆتینى راگههاند، هێزێن رۆسى ب رێكا هێزێن كورد ل رۆژئاڤایێ كوردستانێ بزاڤ كرى یه، نههێلن زارۆكێن رۆسى بهێنه ڤهگهڕاندن.
ل دۆر ڤێ مژارێ پۆتینى ب وێ راگههاند، دشیاندایه رێكهفتن دگهل كوردان بهێته كرن، تو یا ههڤڕاى دگهل من؟ من نهگۆته ته!..باشه مادهم وهسایه هوین دشێن بهردهوام بن لسهر بزاڤێن خۆ.
سهرۆكێ رۆسیا ڤلادیمیر پۆتین گۆت ژى: كورد گهلهك عهقلانینه،دشێین دگهل رێكبكهڤین، دانوستاندن دگهل وان ب سانههیتره ژ ئهمریكیان، ئهو ل وێرێ رهوشێ كونترۆل دكهن، دڤێت برێكا دهستههلاتا فهرمى یا سووریێ درێژى ب ڤى كارى بهێته دان، لێ من باوهرى ههیه پرسێن مرۆڤایهتى دشیاندایه ئێكسهر دگهل كوردان بهێنه چارهكرن.