ژماره‌كا نوشداران ژبه‌ر رێككه‌فتنا ل گه‌ل بریكارێن ده‌رمانان هاتنه سزادان
02/17/2023 - 17:36
بەلاڤ بکە
گاڤ – تایبه‌ت
ژبه‌ر رێككه‌فتنا ل سه‌ر ده‌رمانان، ژماره‌كا نوشدار و ده‌رمانخانه‌یێن دهۆكێ هاتینه سزادان و سه‌ندیكا ده‌رمانسازان دبێژیت: لژنه هاتینه پێكئینان و چاڤدێریا نوشداران دكه‌ن.
د. كاوار ره‌شید، ئه‌ندامێ سه‌ندیكا ده‌رمانسازان بۆ گاڤ گۆت: بابه‌تێ رێككه‌فتنا نوشداران ل گه‌ل بریكارێن ده‌رمانان تا راده‌یه‌كى ل دهۆكێ هه‌بوو، لێ لژنه‌یێن ساخله‌میێ هاتینه پێكئینان و ئه‌و نوشدار و بریكار و ده‌رمانخانه‌یێن ده‌ست د رێككه‌فتنان دا هه‌ین هاتینه سزادان.
گۆت ژى: لژنه‌یێن وان به‌رده‌وام چاڤدێریا نوشدار و ده‌رمانخانه‌یان دكه‌ن و نوكه هه‌م بابه‌تێ چاڤدێریێ و هه‌م ژى كوالێتیا ده‌رمانان تا راده‌یه‌كێ باش هاتیه كۆنترۆلكرن.
