گاڤ

پێكئينانا هه‌ڤژينيێ ل پارێزگه‌ها دهۆكێ د سالا 2022 دا كێمبوويه‌ و حاله‌تێن ته‌لاقدانێ د وێ سالێ دا زێده‌بووينه‌.

جڤاتا دادوه‌ريێ يا هه‌رێما كوردستانێ ئامارێن پێكئينانا هه‌ڤژينيێ و ته‌لاقدانێ ل پارێزگه‌هێن هه‌رێما كوردستانێ د سالا 2022 دا ئاشكرا كرن.

جڤاتا دادوه‌رى راگه‌هاند؛ 55896 مامه‌له‌يێن پێكئينانا هه‌ڤژينيێ و 13967 مامه‌له‌يێت ته‌لاقدانێ ل هه‌رێما كوردستانێ د ساله‌كێ دا هاتينه‌ تۆماركرن.

ديار ژى كريه‌؛ ل پارێزگه‌ها دهۆكێ د ساله‌كێ دا، 12967 مامه‌له‌يێن پێكئينانا هه‌ڤژينيێ و 1992 مامه‌له‌يێن ته‌لاقدانێ هاتينه‌ تۆماركرن.

ئاشكرا ژى كريه‌ كو مامه‌له‌يێن پێكئينانا هه‌ڤژينيێ ل پارێزگه‌ها دهۆكێ ل سالا 2022 ب هه‌ڤبه‌ركرن ل گه‌ل سالا 2021 كێمبووينه‌ كو ل سالا 2021ێ 13441 مامه‌له‌ بوون.

هه‌روه‌سا مامه‌له‌يێن ته‌لاقدانێ ل پارێزگه‌ها دهۆكێ ل سالا 2022 ب هه‌ڤبه‌ركرن ل گه‌ل سالا 2021 زێده‌بووينه‌ كو ل سالا 2021ێ 1796 مامه‌له‌ بوون.