یوێفایێ ل دۆر كێشهیا بهرشلۆنا بڕیار دا
گاڤ
ئێكهتیا ئهورۆپا یا تهپاپێى بڕیارا ڤهكرنا لێكۆلینێ ل دژى یانهیا بهرشلۆنا ل دۆر سهرپێچیا چارچووڤهیێ وێ یێ قانوونى كر.
یانهیا بهرشلۆنا ب دانا پتر ژ 7 ملیۆن یۆرۆیان بۆ كۆمپانیهكا ئینریكیز نێگرێرا جێگرێ سهرۆكێ لژنهیا تهكنیكى یا دادڤانان ل ئسپانیا دناڤبهرا سالێن 2001 تا 2018 دا هاتیه تۆمهتباركرن و نوكه دادگههێن ئسپانى د لێكۆلینێ دانه ل دۆر كهیسێ.
ئێكهتیا ئهورۆپى یا تهپاپێى ئهڤرۆ پێنجشهمبیێ راگههاند؛ لێكۆلینهكا ب لهز ل دۆر دوسیهیا یانهیا بهرشلۆنا دهستپێكر.
كارگێریا یانهیا بهرشلۆنا ژ لایێ خۆڤه بێگونههیا خۆ دوپاتكریه و خوان لاپۆرتا سهرۆكێ یانهیێ دیاركریه كو ئهو دێ ڤێ چهندێ سهلمینن.
یانهیا بهرشلۆنا ههروهسا ل بهر گهفا دویرئێخستێ یه ژ چامپیۆنز لیگێ د وهرزێ بهێت 2023-2024 دا ئهگهر كهیسا دانا پارهیان ب جێگرێ سهرۆكێ لژنهیا تهكنینكى یا دادڤانان ل سهر بهێته سهپاندن.
رۆژنامهیا كۆنفیدێنسیال یا ئسپانى بهلاڤكریه؛ ئهگهر یانهیا بهرشلۆنا هاته ئیدانهكرن، ب ڤێ چهندێ وێ سهرپێچیا ماددهیا 50 ژ رێسایێن یوێفایێ كریه كو ل گۆرهى وێ "نابیت چ یانه چ كاران بكهن كو كارتێكرنێ ل سهر ئهنجامێن وێ د قارهمانیێن ناڤخۆیى یان ل سهر ئاستێ ئهورۆپا دا بكهت و ههر یانهیهكا ڤێ چهندێ بكهت، دێ بۆ دهمێ وهرزهكێ ژ قارهمانیێن ئهورۆپى هێته دویرئێخستن".
یانهیا بهرشلۆنا د نوكه دا ب كۆمكرنا 68 خالان ژ 26 یاریان ل سهرێ لیستا خۆلا ئسپانیا ب جوداهیا 12 خالان ژ ریال مهدرید خۆدانا رێزا دوێ دهێت.