مسر دێ ڤیزه‌یا گه‌شتیارى یا پێنج سالى ب 700 دۆلاران بۆ ئیراقییان به‌رده‌ست كه‌ت
03/27/2023 - 20:31
بەلاڤ بکە
گاڤ
مسرێ ئه‌ڤرۆ دوشه‌مبیێ دانا ڤیزه‌یا گه‌شتیارى یا پێنج سالى بۆ وه‌لاتیێن ئیراقى و ژماره‌یه‌كا وه‌لاتێن دى راگه‌هاند.
ئه‌حمه‌د عیسا وه‌زیرێ گه‌شتوگۆزارێ یێ مسرێ راگه‌هاند؛ مسرێ بڕیارا دانا ڤیزه‌یا پێنج سالى بۆ وه‌لاتیێن ژماره‌یه‌كا وه‌لاتان ژ وان ژى ئیراق و ئیران، ب بهایێ 700 دۆلاران دا.
ئاشكرا ژى كر كو ل ده‌مێ نزیك دێ ده‌ست ب پێدانا وێ هێته كرن.
هه‌لگرێ وێ ڤیزه‌یێ دشێت د ده‌مێ پێنج سالان دا، هه‌ر ده‌مێ بڤێت سه‌ره‌دانا مسرێ بكه‌ت.
هه‌روه‌سا دێ ئاسانكارى بۆ وه‌لاتیێن ژماره‌یه‌كا وه‌لاتێن دى ژى وه‌كى چین، هند، مه‌غریب و جه‌زائیر بۆ وه‌رگرتنا ڤیزه‌یا گه‌شتیارى یا مسرى هێنه كرن.
