سیاسیهكێ ئیراقى ل دۆر سكالایا سوودانى ل سهر وى: سكالایهكا سیاسى یه
گاڤ
سیاسیهكێ ئیراقى رهخنه ل سهرۆكوهزیرێ ئیراقێ ژ بهر تۆماركرنا وى بۆ سكالایهكێ ل سهر وى گرت و ئهڤ سكالایه ب سیاسى بناڤكر.
لهیس شبر سیاسهتمهدارێ ئوپوزیسۆنێ ئهڤرۆ شهمبیێ هوشدارى دان كو دهستههلاتا ئیراقێ بهرهڤ سهركۆتكاریێ، ئهنجامدانا سیاسهتا ترسێ و مفاوهرگرتنێ ژ دادگههان بۆ ئارمانجێن سیاسى ڤه دچیت.
وى سیاسهتمهدارى د بهیانهكێ دا دیاركر "محهمهد شیاع سوودانى سهرۆكوهزیرێ ئیراقێ ژ بهر دیدارهكا من ل سهر ئێك ژ تهلهفزیۆنان ل رۆژا 25/12/2022 سكالا ل سهر من تۆماركریه".
خۆیا ژى كر؛ ههر ژ دهمێ پێكئینانا حكومهتێ، من نهرازیبوونا خۆ دیاركر، نهرازیبوون نه ل سهر كهسایهتیا سوودانى یه، بهلكو ل سهر بهربژاركرنا وى ژ لایێ لایهنهكێ سیاسى ڤه یه كو مه رهخنه ل سهر رێبازا وێ د برێڤهبرنا دهولهتێ دا ههنه.
گۆت ژى "پرۆژهیێ ئوپوزیسیۆنێ پرۆژهیهكێ چاكسازیێ یه و نهك لادانا یێن دى وهكى پرۆژهیێ دهستههلاتێ".