گاڤ

ئۆفیسا نەتەوەیێن ئێکگرتی یا کاروبارێن پەنابەران ئەڤرۆ ئامارا کوشتن و برینداربوونا خەلکێ سڤیل ل ئۆکراینا ژ ئەگەرێ هێرشا رۆسیا بەلاڤ کر.

ئۆفیسا نەیەوەیێن ئێکگرتی د بەیانەکێ دا راگەهاند؛ هەر ژ دەستپێکا شەری و تا ئەڤرۆ 8490 کەسێن سڤیل ل ئۆکراینا هاتینە کوشتن و 14 هزار و 244 کەسێن دی ژی بریندار بوویە.

هەروەسا دیار کر کو ئەڤ ئامارە بتنێ یا وان قوربانیانە یێن هاتینە پشتراستکرن، ژمارەکا دی یا قوربانیان مایە کو یمێن وان نەشیاینە زانیاریان لسەر وەربگرن و ئامار ژ ڤێ پترە.

نەتەوەیێن ئێکگرتی دا زانین ژی کو پتریا قوربانیان ل هەردو دەڤەرێن لۆگانسک و دۆنێتسک هاتینە تۆمارکرن، ژبەرکو شەرەکێ مەزن ل وان دەڤەرا دهێتە دیتن.