گاڤ

خۆدانێ تۆرا تویته‌رى تویته‌كا نوى یا سه‌ر‌نجراكێش به‌لاڤكر كو بوویه‌ جهێ ده‌نگڤه‌دانێ د سوشیال میدیایێ دا.

ئیلۆن ماسك تویته‌ك ئه‌ڤرۆ ئه‌ینیێ به‌لاڤكریه‌ و ئه‌ڤه‌ ده‌قێ وێ یه‌ "هه‌ر چه‌ند حه‌فتیان جاره‌كێ، ئه‌ز دێ تویته‌كێ به‌لاڤكه‌م و تێدا دێ به‌رسڤا هه‌ر پرسیاره‌كا پشكدارێن تویته‌رى ده‌م".

تویتا ماسكى بوویه‌ جهێ ده‌نگڤه‌دانێ چونكى تێدا دیاركریه‌ كو ئه‌و دێ ب تنێ به‌رسڤا پرسیارێن پشكدارێن ب پاره‌ د تۆرێ دا ب رێكا به‌لاڤكریه‌كێ هه‌ر چه‌ند حه‌فتیان جاره‌كێ ده‌ت.

ماسك دوهى پێنجشه‌مبیێ دیاركربوو كو بكارهینه‌رێن تویته‌رێ دێ شێن تێكستێن درێژ و گرته‌یێن ڤیدیۆیان یێن درێژ یێن ده‌مێ وان دگه‌هیته‌ چه‌ند ده‌مژمێران به‌رانبه‌ر پشكداریا ب پاره‌ به‌لاڤكه‌ن.

هه‌ر ژ ده‌مێ ته‌مامكرنا ماسكى بۆ هه‌ڤبه‌ستا كڕینا تویته‌رى ب بهایێ 44 ملیار دۆلاران ل 27ى ئوكتۆبه‌را سالا بۆرى، وى ژماره‌یه‌كا گوهۆڕینان ژ بۆ زێده‌كرنا داهاتێ كۆمپانیێ ئه‌نجامداینه‌ و ب تایبه‌ت یێن گرێداى پشكداریێن ب پاره‌ به‌رانبه‌ر خزمه‌تگۆزاریێن تویته‌رى.

هه‌روه‌سا ماسكى ب رێژه‌یا نزیكى 80% فه‌رمانبه‌رێن تویته‌رى كێمكرینه‌.