"ئیلۆن ماسك ب شێوهیهكێ رێژهیى ژ بڕیارهكا خۆ لێڤه دبیت"
گاڤ
خۆدانێ تۆرا تویتهرى نیشانا پشتراستكرنێ یا شین بۆ ژمارهیهكا كهسێن ناڤدار بێى پشكداریا ههیڤانه بدهن ڤهگهڕاند.
ئیلۆن ماسك ژ بهرى نوكه بڕیار دابوو كو ههر ئهكاونتهكێ د تویتهرى دا كو نیشانا پشتراستكرنێ ژ پرۆفایلى یا شین ’ڤێریفیكهشن’ ههبیت پێدڤیه پشكداریا ههیڤانه یا 8 دۆلاران بدهت و پشتى ڤێ بڕیارێ ب تنێ كێمتر ژ 500 پرۆفایلان ژ سهرجهمێ 400 هزاران بڕیارا دانا پشكداریان داینه.
تویتهرى ب پراكتیكى ژ 20ى ڤێ ههیڤێ دهست ب لادانا نیشانا شین ل بهر وان ئهكاونتێن پشكداریێن ههیڤانه نهدهن، كریه.
رۆژنامهیا گاردیان ل دۆر ڤێ چهندێ بهلاڤكریه؛ بڕیارا تویتهرى ب نههێلانا نیشانا شین ل بهر ئهكاونتێن پشكداریێ نهدهن بوویه ئهگهرێ بهرهلاییێ د وێ تۆڕێ دا.
ژ بهر رهنگڤهدانێن پشتى بڕیارێ، ماسك بڕیار دا ب شێوهیهكێ رێژهیى ژ بڕیارێ لێڤه ببیت و ل رۆژا ئهینیێ بڕیار دا نیشانا شین بۆ ئهكاونتێن ستیڤ كینگ نڤیسهرێ ئهمریكى، لیبۆرن جێمس یاریكهرێ باسكتبۆلێ یێ ئهمریكى ههروهسا ولیهم شاتنهر ئهكتهرێ كهنهدى بڤهگهڕینیت.
ههروهسا د رۆژێن شهمبی و ئێكشهمبیێ دا، ماسك جارهكا دى نیشانا شین بۆ ههر ئهكاونتهكێ پتر ژ ملیۆن فهلهوهرزان ههبیت، ڤهگهڕاند.
ئێك ژ وان كهسان جاك دۆرسى دامهزرێنهرێ تویتهرى و رێڤهبهرێ بجهئینانێ یێ بهرێ یێ وى بوو.
ئینستیتیۆتا ماساچوستس راگههاند كو نیشانا شین بۆ وى هاته ڤهگهڕاندن بێى ئهو پارهى بدهت.