محهمهد شیاع سوودانى: پهسهندكرنا بودجێ دێ خزمهتا وهلاتیان كهت
گاڤ
محهمهد شیاع سوودانى پیرۆزباهى ل گهلێ ئیراقێ كر ژبهر پهسهندكرنا بودجهیا سالێن 2023، 2024 و 2025ێ و ههروهسا سوپاسیا سهرۆك و ئهندامێن جڤاتا نوونهران كر.
محهمهد شیاع سوودانى، سهرۆكوهزیرێ ئیراقێ راگههاند: بودجهیا ئیراقێ ژ ئالیی جڤاتا وهزیران ڤه دهنگ ل سهر هاتیه دان و ئێك ژ داخوازیێن ئێكانه و سهرهكى یێن تاك و خێزان و رهوشا ژیارا وهلاتیانه، ههروهسا بۆ گههشتنا ب هیڤیێن وانه كو دهمهكه ژ حكومهتێ چاڤهڕێى پڕۆژهیێن خزمهتكارى و ئاڤاكرنێ و ژێرخانێ دكهن.
سوودانی هەروەسا دیاركر: پهسهندكرنا بودجەیا سێ سالان گاڤهكا وێرهكانه بوو و دێ بیته ئهگهرێ سهرخستنا پڕۆژهیان و ههروهسا دێ حكومهت زێدهتر ژى چاڤى دهته بهرههمێن نهنهفتى و كهرتێن دى ژى دێ هێنه پێشخستن.
سهرۆكوهزیری خۆیا ژى کر: حكومهت دێ پێداچوونێ د ههموو بهندێن راستڤهكرى دا كهت و دێ لێكۆلینێ ل دۆر بجهئینانا وان كهت و دیتن و ئارمانجێن درێژ یێن حكومهتێ دێ بجهـ ئینیت.
ههروهسا رۆلێ لژنهیێن دارایى، پلانا ستراتیژى و خزمهتكاریان ژى بۆ دهربازكرنا قانوونا بودجهیا ئیراقێ بلند نرخاند.