گاڤ

خۆدانێ تۆرا تویته‌رى ئاماژه‌ دا كێمبوونا داهاتێ ریكلامان د تویته‌رى دا ب رێژه‌یا 50% هه‌روه‌سا كێمبوونا پاره‌یێ بۆ تویته‌رى ب شێوه‌یه‌كێ گشتى دهێت.

ئیلۆن ماسك راگه‌هاند؛ هاتنا پاره‌ى بۆ تویته‌رى كێمبوویه‌ و داهاتێ ریكلامان د تویته‌رى دا ب رێژه‌یا 50% نزمبوویه‌.

دیار ژى كر؛ هه‌روه‌سا قه‌ڕێن ل سه‌ر كۆمپانیێ ئه‌گه‌ره‌كێ دى یێ كێمبوونا داهاتى یه‌.

هه‌ر ژ ده‌مێ ته‌مامكرنا ئیلۆن ماسك بۆ هه‌ڤبه‌ستا كڕینا تویته‌رى ب بهایێ 44 ملیار دۆلاران ل 27ى ئوكتۆبه‌را سالا بۆرى، وى ده‌ست ب كێمكرنا خه‌رجیێن كۆمپانیێ وه‌كى ژكارلادانا ب هزاران فه‌رمانبه‌ران و بزاڤێن زێده‌كرنا داهاتى كریه‌، لێ تا نوكه‌ داهات به‌ره‌ڤ پاشڤه‌ دچیت.

ماسك ئاماژه‌ دایه‌ كێمكرنا مه‌زاختیێن نه‌گرێداى قه‌ڕان یێن كۆمپانیێ بۆ 1.5 ملیار دۆلاران ل ده‌مه‌كێ پێشبینى دهاته‌ كرن د سالا 2023 دا 4.5 ملیار دۆلار بن، زێده‌بارى دانا 1.5 ملیار دۆلاران وه‌ك پاره‌یێ قازانجێن سالانه‌.

ماسك دیار ژى كریه‌ كو داهاتێ تویته‌رى د سالا 2023 دا دێ 3 ملیار دۆلار بن ل ده‌مه‌كێ ل سالا 2021ێ داهاتێ وێ 5.1 ملیار دۆلار بوون.