وه‌زاره‌تا ده‌رڤه یا بریتانیا: ل هه‌رێما كوردستانێ ب ترساندنێ ئازادیا ده‌ربرینێ هاتیه سنۆرداركرن
بەلاڤ بکە
گاڤ
وه‌زاره‌تا ده‌رڤه یا بریتانیا د راپۆرتا خۆ یا سالانه دا ئاماژه ب خرابیا ره‌وشا رۆژنامه‌ڤانان ل ئیراقێ و هه‌رێما كوردستانێ دا و دیاركر ژى رێز ل دادگه‌هان ناهێته گرتن.
د راپۆرتا وه‌زاره‌تا ده‌رڤه یا بریتانیا دا هاتیه، ل هه‌رێما كوردستانێ رۆژنامه‌ڤان بێى فه‌رمانا دادگه‌هان دهێنه گرتن، مه‌ودایێ كارێ رۆژنامه‌ڤانیا سه‌ربه‌خۆ و داكوكیكارێن مافێن مرۆڤى هاتینه سنۆرداركرن.
ئاماژه ب وێ ئێكێ ژى كرى یه، ل هه‌رێما كوردستانێ و ئیراقێ رێز ل دادگه‌هـ و یاسایێ ناهێته گرتن و ئازادیا راده‌ربڕینێ ژبه‌ر دیڤچوون و ترساندنێ هاتیه به‌رته‌نگكرن.
وه‌زاره‌تا ده‌رڤه‌یا بریتانیا د راپۆرتا خۆ دا دیاركرى یه ژى، ل ئیراقێ گرۆپێن چه‌كدار یێن جودا جودا ترس و گه‌فان همبه‌ر چالاكێن سیاسى بكاردئینن، ژبه‌ر نه‌ریتێن جڤاكى و عه‌شائیرى ژى، رۆل و پێگه‌هێ كچ و ژنان ژى هاتیه لاوازكرن.
