ئیراق بۆ بههدهردانا خوارنێ ل رێزا شهشێ ل سهر ئاستێ جیهانێ هات
04/12/2024 - 20:25
گاڤ
سالانه ل ئیراقێ شهش ملیۆن تهنێن خوارنێ دهێنه هاڤێتن و ئیراق بۆ بههدهردانا خوارنێ ل رێزا شهشێ ل سهر ئاستێ جیهانێ هات.
ل گۆرهى راپۆرتهكا نهتهوهیێن ئێكگرتى ل دۆر بههدهردانا خوارنێ ل جیهانێ ل سالا 2024؛ سالانه ل ئیراقێ شهش ملیۆن تهنێن خوارنێ دهێنه هاڤێتن و بههدهردان.
دیار ژى كریه "ئیراق ل رێزا شهشێ ل سهر ئاستێ جیهانێ د تێكرایێ بههدهردانا خوارنێ دا بۆ ههر كهسهكى هات".
ئاماژه ب وێ چهندێ ژى كریه "تێكرایێ بههدهردانا خوارنێ سالانه ژ لایێ ههر وهلاتییهكێ ئیراقێ ڤه دبیته 143 كیلۆگرام".
ههر ل گۆرهى وێ راپۆرتێ "دهێته چاڤهرێكرن رێژهیا بههدهردانا خوارنێ ل ئیراقێ بگههیته 7 ملیۆن تهنان سالانه".
راپۆرتێ زێده ژى كریه "سیاسهتێن كاریگهر ل ئیراقێ ژ بۆ كێمكرنا بههدهردانا خوارنێ نینن".