گاڤ

دوهی رێڤەبەرێ بجهئینەر یێ کۆمپانییا مێتا بوو ئەگەر پشکێن وێ کۆمپانییێ ب رێژەیا ٪19 کێم ببن و ب بهایێ 200 ملیار دۆلاران زیان بگەهنە کۆمپانییێ.

مارک زۆکەربێرگ، رێڤەبەرێ بجهئینەرێ کۆمپانییا مێتا خودانا فەیسبۆک، ئینستاگرام، واتسئەپ و چەندین تشتێن دی، د داخۆیانییەکێ دا راگەهاند: کۆمپانییا مێتا وەبەرهێنانەکا مەزن د هندەک ئامیرێن وەک کولاڤێن مێتاڤێرس و ژمارەکا دی یا ئامیرێن تەکنۆلۆژیایێ دا کرییە و تا نوکە داهات ژ وان وەبەرهێنانان بۆ کۆمپانییێ نەهاتییە.

ئەڤ داخۆیانییا دوهی یا زۆکەربێرگی بوو ئەگەر پشکێن کۆمپانییێ ب رێژەیا ٪19 دابکەڤن، ئانکۆ ب کۆژمێ 200 ملیار دۆلاران زیان گەهشتنە مێتایێ و نوکە بهایێ هەر پشکەکا وێ کۆمپانییێ 493 دۆلارن.