گاڤ

کۆمارا ئیسلامی یا ئیرانێ سزایێ سێدارەدانێ بۆ هونەرمەندەکی دەرکر و ب دژاتیکرنا رژێمێ و بێریزکرنێ ب خومەینی و چەندین تومەتێن دی تاوانبار کر.

توماج سالحی، هونەرمەندەکێ ئیرانی یێ ئەسفەهانێ یە، ل گەل بلندبوونا دەنگێن نەرازی ل ئیرانی، وی ژی دەنگێ خۆ دابوو ل گەل تەڤگەرا (ژن، ژیان، ئازادی)، لێ کۆمارا ئیسلامی پار ئەو ب تومەتا دژاتیکرنا دەولەتێ زیندان کر.

رێکخراوا هەنگاو یا مافێن مرۆڤی راگەهاند: هەرچەندە پێشتر دهاتە گۆتن کو دێ سالحی ل گۆرەی هندەک ماددەیێن سڤک یێن گرێدایی گۆتنا هندەک ئاخفتنان ل دژی رژێمێ هێتە حوکمکرن، لێ دادگەها شۆرەشێ یا ئەسفەهانێ ل گۆرەی ماددەیێن (هەڤکاری د لەشفرۆشییێ دا، پێکئینانا باند و گرۆپان، چالاکییێن ل دژی نیزامێ، هاندانا خەلکی بۆ تێکدانا ئاساییشێ) ل گۆرەی ماددەیێ 512 ژ یاسایا سزایان ب نیشانێن (افساد فی الارض) و ل گۆرەی ماددەیێ 286 ژ یاسایا سزایان ب تومەتا بەلاڤکرنا نەپاکییێ، دژوارترین سزا ل سەر سالحی هاتە سەپاندن کو حوکمێ سێدارەدانێ یە.