Threads خزمهتگۆزارییهكا نوى بۆ ههڤڕكییا تۆڕا ئێكس بهردهستكر
گاڤ
پلاتفۆرما Threads یا گرێداى ئینستاگرامى خزمهتگۆزارییهكا نوى بۆ ههڤڕكییا تۆڕا ئێكس بهردهستكر ئهو ژى نیشاندانا ئهنجامێن یاریێن تهپاپێى و وهرزشێ یه ب شێوهیهكێ زندى ل گهل هویركاتییان.
مارك زوكربێرگ سهرۆكێ بجهئینانێ یێ كۆمپانیا مێتا راگههاند؛ تۆڕا سۆشیال میدیایێ Threads دێ دهست ب نیشاندانا ئهنجامێن وهرزشێ ژ وان ژى یاریێن NBA ب شێوهیهكێ زندى كهت و د دهمهكێ نزیك دا دێ ژمارهیهكا خۆلێن دى ژى زێدهكهت.
ئهو خزمهتگۆزارییه چهوا كار دكهت؟
د دهمێ یاریێ دا، د شیان دایه ناڤێ تیمان بهێته سێرچكرن و دێ نویترین ئهنجامێ یاریێ دیار بیت، ههروهسا پشتى ب دویماهیك هاتنا یاریێ ژى دێ سێرچ ئهنجامێ دویماهیێ یێ یاریێ دیار كهت، ههروهسا د شیان دایه ب رێكا سێرچێ دهمى دهستپێكرنا یاریێ بهێته زانین.
ئهڤ چهنده وهك ههڤڕكییهكا نوى یا Threads بۆ ئێكسه، تۆڕا ئێكس ههر ژ سالا 2017 دهمێ ناڤێ وێ تویتهر خزمهتگۆزارییا نیشاندانا ئهنجامێن یاریێن وهرزشى ب شێوهیهكێ زندى بهردهستكربوو.
مفایێ خزمهگۆزارییا نوى یا Threads ئهوه كو هندهك بكارهینهران دهم نینه ژ تۆرێ بدهركهڤن و بچنه دناڤ وێبسایتێن جودا جودا دا ژ بۆ زانینا ئهنجامێن یارییان، بهلكو ژ بۆ كورتكرنا دهمى ب ئێكسهر دناڤ تۆرێ دا دێ ئهنجامان بینن.