ژڤانێ دوباره دهستپێكرنا خۆلا ستێرێن ئیراقێ هاته گوهۆڕین
گاڤ
ئێكهتییا تهپاپێى یا ئیراقێ ژڤانێ دوباره دهستپێكرنا خۆلا ستێرێن ئیراقێ ژ 30ى ڤێ ههیڤێ ژ بۆ 31ى ههیڤێ گوهارت.
ل گۆرهى بڕیارا نوى، یاریێن گهڕا 20 ژ خۆلێ كو دبیته گهڕا ئێكێ ژ قووناغا دوێ دێ ل رۆژا ئێكشهمبییا بهێت ل شوینا شهمبیێ دهستپێكهن، ئهڤ چهنده هات پشتى خۆلا تهپاپێى بۆ دهمێ نزیكى 20 رۆژان ژ بهر پشكدارییا ههلبژارتیێ ئیراقێ د ڤاڤارتنێن موندیالێ دا راوهستیاى.
فیراس موتهشهر سهرۆكێ لژنهیا بهریكانهیان د ئێكهتییا تهپاپێى یا ئیراقێ د بهیانهكێ دا راگههاند "ژ بهر ئهگهرێن تهكنیكى ژ بۆ دانا دهمێ بێهنڤهدانێ یێ پێدڤى بۆ یانهیان و ب تایبهت یاریكهرێن ههلبژارتیێ ئیراقێ چ یاریكهرێن ناڤخۆیى بن یان پیشهكار یێن بۆ یانهیان یاریێ دكهن پشتى ڤهگهڕیانا وان چ یاریێن ڤاڤارتنێن مۆندیالێ، بڕیار هاته دان دهمێ دهستپێكرنا گهڕا بهێت یا خۆلێ بهێته گوهۆڕین".
ئاشكرا ژى كر "خۆلا ستێرێن ئیراقێ دێ ل رۆژا ئێكشهمبییا بهێت 31ى ڤێ ههیڤێ ل شوینا رۆژا شهمبیێ 30ى ڤێ ههیڤێ دهستپێكهت".
زێده ژى كر "ههر یارییهكا گهڕا بهێت دێ دهمێ وێ ب رۆژهكێ هێته گوهۆڕین".