گاڤ 
دو هەڤژینان ب هەڤکارییا کوڕێ خۆ، دو کچێن خۆ کوشتن و هەر زوی تاوانبار هاتنە گرتن.
وەزارەتا ناڤخۆ یا ئیراقێ ئەڤرۆ رۆژا شەمبی راگەهاند: ل باژێڕکێ بەرتلە سەر ب ناوچەدارییا حەمدانییێ ڤە ل پارێزگەها نەینەوا، دو هەڤژینان ب هاریکارییا کوڕێ خۆ، دو کچێن خۆ کوشتینە، کچەک ژ وان 7 سالی و یا دی 3 سالی بوو.
ژێدەری هەروەسا دایە زانین: پشتی تاوانبار هاتینە گرتن، دان ب تاوانا خۆ کرییە و د لێکۆلینان دا دیاربوویە هەردویان ماددەیێن کحۆلی ڤەخواربوون و هەردو ئالۆدەبوویێن ڤەخوارنێن کحۆلی نە.
پشتی ئەو تاوانبار هاتینە گرتن، کوڕێ وان ژی هاتییە گرتن، دان ب تاوانا خۆ کرییە و نوکە ل دویڤ بەندێ 406 ژ یاسایا سزایان یا ئیراقێ لێکۆلین دبەردەوامن.