گاڤ

په‌یڤدارا كۆمیسیۆنا بلند یا سه‌ربخۆ یا هه‌لبژارتنان یا ئیراقێ راگه‌هاند؛ تا نوكه‌ 2 هه‌ڤپه‌یمانییان و 4 پارتێن سیاسى هه‌روه‌سا 48 به‌ربژارێن تاك خۆ بۆ هه‌لبژارتنێن په‌رله‌مانێ كوردستانێ تۆماركرینه‌.

جومانه‌ گلاى په‌یڤدارا كۆمیسیۆنێ بۆ گاڤ راگه‌هاند "هه‌تا ئه‌ڤرۆ 28ى ئادارێ دو هه‌ڤپه‌یمانییان خۆ ل رێڤه‌به‌رییا كاروبارێن حزبان و رێكخستنێن سیاسى تۆماركرینه‌، وان ئێك لیستا به‌ربژاران ل هه‌ولێرێ، ئێك ل سلێمانیێ و دو ل دهۆكێ و دو ل هه‌له‌بجه‌ پێشكێشكرینه‌، سه‌باره‌ت پارتێن سیاسى ژى دو پارتان ل هه‌ولێرێ، دو پارتان ل سلێمانیێ، دو پارتان ل دهۆكێ و ل هه‌له‌بجه‌ ئێك پارتا سیاسى خۆ تۆماركرینه‌".

سه‌باره‌ت لیستێن به‌ربژارێن تاك ژى دیاركر "12 به‌ربژاران ل هه‌ولێرێ، 21 به‌ربژاران ل سلێمانیێ و 15 به‌ربژاران ل دهۆكێ خۆ تۆماركرینه‌ كو سه‌رجه‌مێ وان دبیته‌ 48 لیستێن به‌ربژارێن تاك".

ئاشكرا ژى كر "ژماره‌یا هه‌ڤپه‌یمانیێن خۆ بۆ هه‌لبژارتنان تۆماركرین دو هه‌ڤپه‌یمانى نه‌ و ل سه‌ر چار ده‌ڤه‌رێن هه‌لبژارتنان دهێنه‌ دابه‌شكرن و 4 پارتێن سیاسى ژى خۆ تۆماركرینه‌ كو ل سه‌ر چار ده‌ڤه‌رێن هه‌لبژارتنان دهێنه‌ دابه‌شكرن".