ئێکەتییا تەپاپێی یا ئیراقێ یانەیا دهۆک سزا دا
گاڤ
ئێکەتییا تەپاپێی یا ئیراقێ پشتی چەندین کێشە د یارییا د ناڤبەرا یانەیێن دهۆک و جەوییە دا چێبووین، ژمارەکا بریاران ل دژی یانەیا دهۆک دان.
ئێکەتییا تەپاپێی یا ئیراقێ بریار دا یانەیا دهۆک ب کۆژمێ 30 ملیۆن دیناران بهێتە سزادان، ژبەر کو د یارییا د ناڤبەرا یانەیا دهۆک و یانەیا جەوییە دا، هندەک ژ جەماوەرێ یانەیا دهۆک چووبوونە د ناڤ یاریگەهێ دا و کێشە د ناڤبەرا وان و یاریکەران دا دروست ببوون و هەروەسا بریار هاتە دان یانەیا دهۆک دو یاریێن دی د یاریگەها خۆ دا بێی جەماوەر یارییێ بکەت.
هەر د ڤان بریارێن نوی دا، ئێکەتییا تەپاپێی یا ئیراقێ بریار دا یانەیا دهۆک ب 5 ملیۆن دینارێن دی بهێتە سزادان، ژبەر کو یاریکەرێن وێ 5 کارت د ئێک یاری دا وەرگرتبوون.
ئێکەتییا تەپاپێی یا ئیراقێ هەروەسا بریار دا مۆسێس لۆکاس، یاریکەرێ یانەیا دهۆک ب 15 ملیۆن دیناران بهێتە سزادان و دو یارییێن دی ل دویڤ ئێک نابیت یاریێ بکەت.