ئیرانێ 100 مۆشهكێن كرۆز بۆ لێدانا ئسرائیلێ ئامادهكرینه
گاڤ
تۆڕا ئێن بى سى نیوز یا ئهمریكى لسهر زارێ دو بهرپرسێن هایدار یێن وهلاتێ خۆ راگههاند، ئیرانێ 100 مۆشهكێن كرۆز و گهلهك درۆن بۆ هێرشا چاڤهڕێكرى بۆ سهر ئسرائیلێ ئاماده كرینه.
وان بهرپرسێن ئهمریكى دا زانین، ژ ههفتییا بۆرى ئیران مژویلى ئامادهكرنا مۆشهك و درۆنانه.
سهرۆك جۆ بایدن ژى ل دۆر رهوشا رۆژههلاتا ناڤین د كۆنگرهیهكێ رۆژنامهڤانى دا راگههاند، ئهو ناخوازیت زانیاریێن پاراستى باس بكهت، لێ ل گۆرهى پێشبینیێن وى ئیران دێ زوى هێرشێ كهت نهك درهنگ.
ل گۆرهى راپۆرتهكا سى ئێن ئێن ژى، ئهمریكا پێشبینى دكهت، ئیران هێرشهكا ئێكسهر بكهته سهر ئسرائیلێ و گرۆپێن ملیشیاتێن سهر ئیرانێ ژى دێ رۆل د هێرشێ دا ههبیت.
ل گۆرهى راپۆرتێ دبیت ئیران هژمارهكا پێگههان ل دهرڤهى ئسرائیلێ ژى بكهته ئارمانج.
ژلایێ خۆڤه وهزیرێ بهرگرییا ئسرائیلێ راگههاند، هێزا وهلاتێ وى یا پهیاده و ئاسمانى ئامادهیه بۆ بهرسڤدانا ئیرانێ.