سهفین دزهیى بۆ گاڤ: جۆ بایدن ل گهل سوودانى بهحس ل گرنگییا چارهكرنا كێشهیێن ناڤبهرا ههولێر و بهغدایێ كریه
گاڤ – تایبهت
بهرپرسێ نڤێسینگهها پهیوهندیێن دهرڤه یی حكومهتا ههرێما كوردستانێ ل دۆر سهرهدانا سوودانى بۆ ئهمریكا راگههاند، گرنگییا چارهكرنا كێشهیێن ناڤبهرا ههولێر و بهغدایێ پشكهك ژ ناڤهڕۆكا كۆمبوونا ل گهل جۆ بایدن، سهرۆكێ ئهمریكا بوو.
سهرۆكوهزیرێن ئیراقێ ب سهرهدانهكا فهرمى ل ئهمریكایه، چهندین مژار ل گهل سهرۆكێ ئهمریكا بهحسكرینه، پرسێن گرێدایى مووچهیى و پهترۆلا ههرێمێ ژى د ناڤا وان مژارێن گرنگ دابوون.
سهفین دزهیى، بهرپرسێ نڤێسینگهها پهیوهندیێن دهرڤه یێ حكومهتا ههرێمێ بۆ گاڤ راگههاند، سهرۆكی ئهمریكا ل گهل سوودانى بهحس ل گرنگییا چارهكرنا كێشهیێن ناڤبهرا ههولێر و بهغدایێ كریه و دیاركریه، ئهو كێشه دێ ب رێكا دانوستاندنان چاره بن و ئارامى و سهقامگێرییا ههرێم و ئیراقێ ب گرنگ بۆ ئهمریكا و دهڤهرێ ب ناڤكریه.
ههروهسا دیاركر، بهحس ل بابهتێن گرنگ هاتیه كرن ژ وان ژى پهیوهندیێن پاشهرۆژێ یێن ناڤبهرا ئیراق و ئهمریكا دا.