ناڤهڕۆكا كۆمبوونا سهرۆك نێچیرڤان بارزانى و بالیۆزێ ئێكهتییا ئهورۆپا
گاڤ
سهرۆكایهتییا ههرێما كوردستانێ راگههاند، سهرۆك نێچیرڤان بارزانى و بالیۆزێ ئێكهتییا ئهورۆپا ههڤڕانه ههلبژارتن بهێنه كرن.
ئهڤرۆ سێشهمبێ 16-4-2024ێ سهرۆكایهتییا ههرێما كوردستانێ ناڤهڕۆكا كۆمبوونا سهرۆكێ ههرێما كوردستانێ و بالیۆزێ ئێكهتییا ئهورۆپا بهلاڤكر و راگههاند، ههر دو ئالى ههڤرا بوون بۆ نویكرنا شهرعییهتا پرۆسهیا دیمۆكراسى و ب گرنگ دانه زانین ههلبژارتن بهێنه كرن.
د ڤى وارى دا سهرۆكایهتییا ههرێما كوردستانێ راگههاند، بالیۆزێ ئێكهتییا ئهورۆپا سوپاسى بۆ بزاڤێن سهرۆكی ههرێما كوردستانێ نێچیرڤان بارزانى ههبوون بۆ ههلبژارتنان و چارهكرنا كێشهیێن ههمبهرى وێ پرسێ.
ههر دو ئالییان دوپاتى ل پهیوهندیێن ههولێر و بهغدایێ و دانوستاندنێن چارهكرنا كێشهیان كرن و بالیۆزێ ئێكهتییا ئهورۆپا دوماهى سهرهدانا سهرۆكێ ههرێما كوردستانێ بۆ بهغدا و دیدار و كۆمبوونێن وى ل گهل بهرپرسێن بلندێن ئیراقێ و بزاڤێن وى بۆ چارهكرنا كێشهیان ب گرنگ زانى.
بهردهوامیدان ب پهیوهندیێن بازرگانى یێن ئێكهتییا ئهورۆپا ل گهل ئیراق و ههرێما كوردستانێ و دوماهى پێشهاتێن ناوچێ و گرنگییا پارستنا ئارامى، سهقامگێریێ تهوهرهكێ دى یێ كۆمبوونا ناڤبهرا ههر دو ئالییان بوو.