مه‌سروور بارزانى په‌یامه‌ك ل سالڤه‌گه‌ڕا كێمیابارانكرنا بالیسان و شێخوه‌سانان به‌لاڤكر
بەلاڤ بکە
گاڤ
مه‌سروور بارزانى، سه‌رۆكوه‌زیرێن هه‌رێما كوردستانێ ل سالڤگه‌ڕا كێمیابارانكرنا ده‌ڤه‌رێن بالیسان و شێخ وه‌سانان و دۆلا خۆشناوه‌تى په‌یامه‌ك به‌لاڤكر.
مه‌سروور بارزانى ل ئه‌كاونتێ خۆ ل تۆڕا جڤاكییا ئێكس، راگه‌هاند، ل سالڤگه‌ڕا كێمیابارانكرنا بالیسان و شێخ وه‌سانان و دۆلا خۆشناوه‌تى ئه‌و سه‌رێ رێز و قه‌درگرتنێ بۆ گیانێ وان كه‌سان د چه‌مینن یێن د وان كۆمكوژییان دا شه‌هیدبووین.
بارزانى گۆت ژى، دڤێت هه‌مى پێكڤه كار بكه‌ن بۆ وێ ئێكێ داكو نڤشێن بهێن روى ب روى ڤان كاره‌ساتان نه‌بن.
ئێڤارا رۆژا 16ى نیسانێ ل سالا 1987ێ رژێما ئیراقێ هێرش كره سه‌ر دۆلا بالیسان و گوندێن خۆشناوه‌تى كو ب ئێكه‌مین هێرشا كێمیایی بۆ سه‌ر كوردستانێ دهێته هژمارتن و د ئه‌نجام دا ده‌هان ژن و زه‌لام و زارۆك شه‌هیدبوون.
پشتى هێرشى ب ده‌هان بریندار بۆ نه‌خۆشخانه‌یێن هه‌ولێرێ هاتنه ڤه‌گوهاستن، لێ هێزێن ئێمناهییا رژیما به‌عس هه‌مى ژ نه‌خۆشخانه‌یان ده‌رخستن و ئه‌نفالكرن، تا نها ژى چاره‌نڤیسێ وان نه‌دیاره، داكو ئه‌و تاوان بهێته ڤه‌شارتن. ب گشتى دگه‌ل كه‌سێن ئه‌نفالكری، هژمارا شه‌هیدێن وێ كاره‌ستانێ 263 شه‌هید و 800 بریندارن.
