گاڤ

پشتی 12 سالان ژ دویماهی سەرەدان، رەجەب تەیب ئەردۆگان دێ ل 22ی ڤێ مەهێ چیتە بەغدا و ل گەل بەرپرسێن ئیراقێ کۆم بیت، پاشی دێ هێتە هەولێرێ و ل گەل سەرۆک و سەرکردەیێن هەرێما کوردستانێ کۆم بیت.

ل گۆرەی مەدیایێن تورکیا: ل رۆژا 22ی نیسانێ رەجەب تەیب ئەردۆگان، سەرۆککۆمارێ تورکیا دێ ب سەرەدانەکا فەرمی چیتە بەغدا و ل گەل مەزنە بەرپرسێن ئیراقی بەحسێ پەیوەندیێن هەڤپشک کەت.

ژێدەر هەروەسا ئاماژێ ددەن، پشتی سەرەدانا بەغدا، ئەردۆگان دێ هێتە هەولێرێ و ل گەل سەرۆک و سەرکردەیێن هەرێما کوردستانێ ژی کۆم بیت.

ل گۆرەی ژێدەران: فۆکسا سەرەدانێ دێ ل سەر بابەتێن ئابۆری و دپلۆماسی و سەربازی بیت.

ئەردۆگان پێشتر ل دەما سەرۆکوەزیرێ تورکیا ل سالێن 2008، 2009، و 2011ێ هاتییە ئیراقێ، لێ وەک سەرۆککۆمار ئێکەم سەرەدانا وی یە و دویماهی سەرۆکێ تورکیا کو هاتبیتە ئیراقێ، تورگوت ئۆزال بوو.