وەزیرێ ناڤخۆ: چ رێکخستنێن تیرۆری ل سنۆرێن هەرێما کوردستانێ نینن
بەلاڤ بکە
گاڤ
وەزیرێ ناڤخۆ یێ هەرێما کوردستانێ ئەڤرۆ ل سلێمانییێ پشکداری دیدارا زانکۆیا ئەمریکی بوو و د وێ دیدارێ دا راگەهاند: چ رێکخستنێن تیرۆری ل دەڤەرێن سنۆری یێن هەرێما کوردستانێ نینن.
رێبەر ئەحمەد، وەزیرێ ناڤخۆ یێ هەرێما کوردستانێ ئەڤرۆ ل سلێمانییێ پشکداری دیدارا "ئالۆزی و نەسەقامگیرییا رۆژهەلاتا ناڤین" بوو و د وێ دیدارێ دا راگەهاند: چ گرۆپ و رێکخستنێن تیرۆری ل دەڤەرێن سنۆری یێن هەرێما کوردستانێ نینن، هندەک وەلات ل گۆرەی سیاسەتێن خۆ وان گرۆپان ب تیرۆرست دزانن، لێ هەرێما کوردستانێ وان وەک تیرۆرست ناڤ ناکەت.
وەزیرێ ناڤخۆ یێ هەرێما کوردستانێ هەروەسا گۆت: کێشەیا رۆژهەلاتا ناڤین د وێ یەکێ دایە کەس خۆ ل کێشەیێن کوردان ناکەتە خودان، کۆمارا ئیسلامی یا ئیرانێ ئەو پارتییێن کوردی یێن ئۆپۆزسیۆن ل وی وەلاتی ب تیرۆرست ناڤ دکەت، تورکیا ژی پەکەکێ ب تیرۆرست ناڤ دکەت، لێ چ ژ وان پارتی و رێکخستنان ل ئیراقێ تیرۆری نینن.
