رابهرێ تهڤگهرا ئیسلامى بۆ گاڤ: د ڤێ رهوشا نوكه دا پشكداریێ د ههلبژارتنان دا ناكهین
گاڤ
رابهرێ تهڤگهرا ئیسلامى یا كوردستانێ راگههاند؛ د ڤێ رهوشێ دا ئهستهمه ههلبژارتن بهێنه كرن و ئهگهر بهێنه كرن ژى ئهو پشكداریێ تێدا ناكهن.
عیرفان عهبدولعهزیز رابهرێ گشتى یێ تهڤگهرا ئیسلامى بۆ گاڤ راگههاند "وهكى مه د بهیانهكا مهكتهب سیاسى دا رۆنكرى، ب ڤى شێوازێ نوكه ههى و رهوشا سیاسى یا ئالۆز ل ههرێما كوردستانێ، ئهستهمه ههلبژارتن بهێنه كرن، ئهگهر بهێنه كرن ژى دێ ئالۆزبێن سیاسى ل ههرێما كوردستانێ زێدهتر لێكهن و نهك كێمتر".
گۆت ژى "مه نهڤێت ناڤمالییا كوردى خرابتر ببیت و مه گۆتیه ئهگهر ههلبژارتن د ڤێ رهوشا نوكه یا كوردستانێ دا بهێنه كرن، پشكداریێ تێدا ناكهین".
ئاماژه ب وێ چهندێ ژى كر "مه بڕیار دایه ههتا رهوشا سیاسى چاك نهبیت و ههتا تهوافوقهك دناڤبهرا ههمى لایهنێن سیاسى دا نههێته كرن، ئهم پشكداریێ د ههلبژارتنان دا ناكهین".
دهێته چاڤهرێكرن د رۆژێن بهێت دا، سهرۆك نێچیرڤان بارزانى ل گهل سهركردهیێن لایهنێن سیاسى یێن ههرێما كوردستانێ ژ بۆ بهحسكرنا بابهتێ ههلبژارتنان كۆمببیت.
ژێدهرهكێ ژ حكومهتا ههرێمێ ژى بۆ رۆژنامهیا ئهلعهرهبى ئهلجهدید دیاركریه "لێكتێگههشتن دناڤبهرا ههولێر و بهغدا دا ل دۆر پاشئێخستنا ههلبژارتنان ههنه، بهغدا دزانیت د شیان دا نینه ههلبژارتن بێى پشكدارییا پارتى برێڤهبچن و بهغدا نهڤێت قهیرانهك ژ بهر ڤێ چهندێ پهیدا ببیت".