ئه‌پل ئه‌پلیكه‌یشنێن وه‌تسئه‌پ و سرێدس ژ ئه‌پ ستۆر ل چینێ ڤه‌كێشان
بەلاڤ بکە
گاڤ
كۆمپانیا ئه‌پل هه‌ردو ئه‌پلیكه‌یشنێن وه‌تسئه‌پ و سرێدس یێن كۆمپانیا مێتا ژ ئه‌پل ستۆرا خۆ ل چینێ ڤه‌كێشان.
بلۆمبێرگ ژ كۆمپانیا مێتا ڤه‌گوهاستیه؛ ڤه‌كێشانا وان ژ هه‌ردو ئه‌پلیكه‌یشنان ژ ئه‌پل ستۆر ژ لایێ كۆمپانیا ئه‌پل ڤه ل سه‌ر داخوازییا ده‌ستهه‌لاتێن چینى بوو.
چین چاڤدێرییه‌كا دژوار ددانیته سه‌ر ده‌زگه‌هێن راگه‌هاندنێ و پلاتفۆرمێن ئه‌له‌كترۆنى و ژماره‌یه‌كا رێسایێن رێكخستنێ ل سه‌ر وان دسه‌پینیت كو ناڤه‌رۆكا وان بابه‌تان دكه‌نه ئارمانج یێن كو چین دبینیت ئه‌و بابه‌ته ره‌خنه‌یێ ل سیاسه‌تا ده‌وله‌تا چینێ دگرن.
ل چینێ، شیانێن گه‌هشتنێ ب گه‌له‌ك خزمه‌تگۆزاریێن ئه‌له‌كترۆنى نینه ژ وان ژى گووگل و یوتیۆب، زێده‌بارى ئه‌پلیكه‌یشنێن تۆڕێن جڤاكى یێن وه‌ك فه‌یسبووك و ئینیستاگرامى، وه‌كى ئاژانسێن نووچه‌یان ئاماژه‌پێكرین.
ئه‌پل د به‌یانه‌كێ دا راگه‌هاندیه؛ وان ل سه‌ر فه‌رمانا رێڤه‌به‌رییا بیاڤێ ئه‌له‌كترۆنى یا چینى ئه‌و ئه‌پلیكه‌یشنه ڤه‌كێشاینه.
ئاژانسا فرانس پرێس بزاڤكر په‌یوه‌ندیێ ب ده‌سته‌یا رێكخستنا ئه‌نترنێتێ یان وه‌زاره‌تا پیشه‌سازى و ته‌كنولۆژیایێ یا چینێ ل دۆر ڤى بابه‌تى بكه‌ت، لێ وان سازییان به‌رسڤ نه‌دان.
