زیانهكا دى یا ڤهخوارنێن گازى ئاشكرا دبیت
گاڤ
یا دیاره كو ڤهخوارنێن گازى ژمارهیهكا زیانێن ساخلهمییێ ههنه ژ وان ژى زێدهبوونا كێشا لهشى، راپۆرتهكێ ژى زیانهكا دى یا ڤهخوارنێن گازى دیاركریه كو بهرى نوكه گهلهك بهحس لێ نههاتبوو كرن.
ل گۆرهى راپۆرتهكا UCLA Health؛ ڤهخوارنێن گازى زیانێ دگههیننه ساخلهمییا ههستیكان چونكى رێژهیهكا مهزن ژ ترشا فوسفۆریك تێدایه كو رهنگه كارتێكرنێ ل سهر ههلمژینا كالیسیۆمێ د لهشى دا بكهت.
ههروهسا زێده بكاربرنا ترشا فوسفۆریكێ رهنگه ببیته ئهگهرێ كێمبوونا ئاستێن كالیسیۆمێ د ههستیكان دا و ئهڤ چهنده ل گهل بۆرینا دهمى دبیته ئهگهرێ لاوازبوونا ههستیكان.
"زێدهبارى ڤێ چهندێ، ههبوونا رێژهیهكا مهزن ژ شهكرێ د ڤهخوارنێن گازى دا زیانێ دگههینیته لهشى و لهش تووشى ههودانان دبیت زێدهبارى فشارا ئۆكسیدهیتیڤ Oxidative stress ئهوا كو زیانێ دگههینیته چڕییا ههستیكان"، وهكى راپۆرتێ ئاماژهپێكرى.
راپۆرتێ داخوازكریه مرۆڤ خۆ ژ ڤهخوارنێن گازى دویربێخن ژ بۆ دویربوونێ ژ زێدهبوونا كێشا لهشى، دويربوونێ ژ كێمبوونا چڕییا ههستیكان و دویربوونێ ژ شكهستنا ههستیكان.