گاڤ

سالا پار 5 ملیۆن و 200 هزار ته‌نێن گه‌نمى ل ئیراقێ هاتبوونه‌ به‌رهه‌مئینان، وه‌زیرێ چاندنێ یێ ئیراقێ ژى پێشبینى دكه‌ت د ئه‌ڤ ساله‌ دا 7 ملیۆن ته‌نێن گه‌نمى بهێنه‌ به‌رهه‌مئینان.

پێدڤیاتییا ناڤخۆیى یا ئیراقێ بۆ گه‌نمى دگه‌هیته‌ نزیكى 5 ملیۆن ته‌نان، هه‌ڤده‌م عه‌باس مالكى وه‌زیرێ چاندنێ یێ ئیراقێ ئه‌ڤرۆ پێنجشه‌مبیێ پێشبینیكر؛ 7 ملیۆن ته‌نێن گه‌نمى ئه‌ڤ ساله‌ ل ئیراقێ بهێنه‌ به‌رهه‌مئینان.

ناڤهاتى دیار ژى كر "ئيراق به‌ره‌ڤ چاندنا ژیر و تژیكرنا پێدڤیاتیێن ناڤخۆیى ژ به‌رهه‌مێن سه‌ره‌كى یێن چاندنێ وه‌كى گه‌نمى و كه‌سكاتییان ڤه‌ دچیت".

ل گۆره‌ى زانیارییان، حكومه‌تا ئیراقێ ل به‌ره‌ ئه‌ڤ ساله‌ هه‌مى به‌رهه‌مێ جۆتیارێن هه‌رێما كوردستانێ وه‌ربگریت و بۆ هه‌ر ته‌نه‌كێ بهایێ 850 هزار دیناران هاتیه‌ ده‌ستنیشانكرن.