گاڤ نيوز

نوينه‌را نه‌ته‌وه‌يێن ئێكگرتى ل ئيراقێ د كۆمبوونا ئه‌ڤرۆ یا جڤاتا ئاسايشا نێڤده‌وله‌تى دا راپۆرته‌ك ل دۆر ره‌وشا ئيراقێ و هه‌رێما كوردستانێ پێشكێشكر و راگه‌هاند كو پرۆسێسا سياسى ل ئيراقى شكه‌ستن ئينايه‌ گۆت ژى، دڤێت د ڤێ هه‌یڤێ دا هه‌لبژارتنێن هه‌رێما كوردستانێ هاتبانه‌كرن.

د كۆمبوونا ئه‌ڤرۆ یا جڤاتا ئاسایشا نێڤده‌وله‌تى دا جێنين پلاسخارت د په‌يڤه‌كێ دا راگه‌هاند؛ ئيراق د قووناغه‌كا مه‌ترسيدار دا دبۆريت و گه‌نده‌لى بوويه‌ كێشه‌ ل ئيراقێ و پێدڤيه‌ بهێته‌ چاره‌سه‌ركرن.

ديار ژى كر؛ پرۆسێسا سياسى ل ئيراقێ شكه‌ستن ئينايه‌ و خۆنيشاندان د به‌رده‌وامن و چاره‌سه‌ركرنا ره‌وشا ئيراقێ پێدڤى ب هه‌ماهه‌نگيێ هه‌يه‌ و پێدڤيه‌ سه‌ركرده‌يێن ئيراقێ داخوازيێن وه‌لاتيان بجهبينن.

خۆيا ژى كر؛ هێرشێن ئيرانێ بۆ سه‌ر هه‌رێما كوردستانێ بووينه‌ ئاريشه‌يه‌كا مه‌زن و بنپێكرنا سه‌روه‌ريا ئاخا ئيراقێ نه‌.

ل دۆر ره‌وشا هه‌رێما كوردستانێ ژى پلاسخارتێ دیاركر، هێشتا زونێن زه‌ر و كه‌سك ل هه‌رێمێ د به‌رده‌وامن، دیاركر ژى، دڤیا دڤێ هه‌یڤێ دا هه‌لبژارتنێن هه‌رێمێ هاتبانه‌ كرن، لێ تا نها ئالیێن هه‌رێمێ ل دۆر ئه‌نجامدانا وان رێكنه‌كه‌ڤتینه‌. 

ديار ژى كر؛ تا نوكه‌ حزبێن كوردى ل سه‌ر به‌ربژاره‌كێ بۆ پۆستێ سه‌رۆككۆمارێ ئيراقێ رێكنه‌كه‌فتينه‌.