ئيراق دو داخوازيان ژ توركيا دكهت
گاڤ نيوز
جێگرێ ئێكێ يێ سهرۆكێ پهرلهمانێ ئيراقێ راگههاند كو دێ ئيراقێ ههلويستهكێ دى ههبيت بهرانبهر توركيا ئهگهر هێرشێن وێ ل سهر ئاخا ئيراقێ و د گرتنا ئاڤێ ژی دا بهردهوام ببيت.
محسن مهندهلاوى ئهڤرۆ رۆژا چارشهمبيێ ل بهغدا پێشوازى ل عهلى ريزا گۆناى باليۆزێ توركيا ل ئيراقێ و شاندهكا ل گهل دا كر.
جێگرێ ئێكێ يێ سهرۆكێ پهرلهمانى د ديدارێ دا داخواز ژ توركيا كر كو مافێن ئيراقێ ژ رويبارێن ديجله و فورات نهخۆت و سنوورهكێ بۆ دهستدرێژيێن خۆ ل سهر ئاخا ئيراقێ دابنیت، چونكى "ئهڤ چهنده دبنه ئهگهرێ زيانگههاندنێ ب بهرژهوهنديێن ههڤپشك د ناڤبهرا ههردو وهلاتان دا"، ل گۆرهى دهربڕينا مهندهلاوى.
د بهيانهكا جێگرێ سهرۆكێ پهرلهمانى دا هاتيه ژى؛ رێككهفتن ل سهر پێكئينانا لژنهيێن تهكنيكى يێن ههڤپشك د ناڤبهرا ههردو وهلاتان دا ب ههماههنگى ل گهل وهزارهتێن دهرڤه و ناڤخۆ بۆ سهرهدهريێ ل گهل بابهتێن گرنگ وهكى ب ساناهيكرنا دانا ڤيزهيێ ژ لايێ ههردو لايان ڤه هاته كرن.
مهندهلاوى ديار ژى كر؛ ئيراقێ دێ ههلويستهكێ جودا ههبيت ئهگهر دهستدرێژيێن توركيا ل سهر ئاخا ئيراقێ بهردهوام ببن كو بووينه ئهگهرێ گيانژدهستدانا چەندین وهلاتيێن ئيراقى.