گاڤ

کۆمپانیا فەیسبۆک تووشی داکەفتنا قازانجی بوویە و دهێتە چاڤەرێکرن د ڤێ حەفتیێ دا پتری هزار کارمەندێن خۆ ژ کاری دویربێخیت.

رۆژنامەیا وال ستریت جۆرنال راگەهاند؛ کۆمپانیا فەیسبۆک یا سەر ب کۆمپانیا مێتا ڤە بریار دایە ل رۆژا چارشەمبیێ 9/11/2022 پتری هزار کارمەندێن خۆ دەربێخیت، دەربارەی ڤێ راگەهاندنا رۆژنامێ کۆمپانیا فەیسبۆکی ب فەرمی چ روهنکرن بەلاڤ نەکرینە و تانوکە بێدەنگی هەلبژارتیە.

قازانجا کۆمپانیا مێتا ب گشتی ل چارێکا سێیێ یا ئەڤسالە داکەفتیە، پتری 85 هزار کارمەندان ل وێ کۆمپانیێ کار دکەن.

مارک زۆکەربێرگ، سەرۆکێ جێبەجێکار یێ کۆمانیێ پێشتر راگەهاندیە کو ئەو دێ بۆ سالا 2023 گرنگیێ ب وان پشکێن کۆمپانیێ دەن یێن سەرکەفتین، لێ دێ پشکێن دی ژناڤ بەن یان بچویک کەن.